Ikasturte berriari berritasunekin ekin nahi izan diogu Aiaraldea Ekintzen Faktoriako ekonomatuan. Online erosketak berriz ere abiarazi ditugu, etxez-etxeko banaketa zerbitzuarekin. Eskaerak igande gauera arte egin ahal izango dira webgunean, eta hurrengo asteazken-ostegun-ostiralean hitzartuko da entrega eroslearekin.

Etxerako banaketaren kostua: 

• Aiaraldea Kooperatibako BAZKIDEEK DOAN izango dute etxerako banaketa Laudio ez den udalerrietan, beti ere 30 euroko gutxieneko erosketa egiten denean (gutxieneko zenbatekora iritsi ezean, 3 euro kobratuko dira etxera eramateagatik). Laudion etxerako zerbitzua eskatzen duenak 3 euroko kostua ordaindu beharko du. 

• Kooperatibako BAZKIDE EZ DIRENEK ERE DOAN izango dute etxerako banaketa zerbitzua, baina hauen kasuan gutxieneko erosketa 50 eurokoa izango da (gutxieneko zenbatekora iritsi ezean, 5 euro kobratuko dira etxera eramateagatik). 

Horretaz gainera,   Laudioko Abasto Plazako 6. zenbakian (Basalarrinaren lokalean) kokatzen den denda  ere EGUNERO IREKITZEA ERABAKI DUGU, gure erosketak modu arduratsuan, ekologikoan eta tokikotasunean egiteko erraztasunak emateko Aiaraldeko herritarrei. Hartara, denda irekita egongo da egunero (igandeetan salbu), arratsaldez beti, eta ostegun eta larunbatetan goizez ere.

Denda ordutegia: 

•     Astelehenak: 17:00-20:00

•     Astearteak: 17:00-20:00

•     Asteazkenak: 17:00-20:00

•     Ostegunak: 09:30-14:00 // 17:00-20:00

•     Ostiralak:  17:00-20:00
  

•     Larunbatak: 10:00-14:00 

•     Igandeak, itxita